Najbolja fotografija divljine za 2016.

Vrtoglavi pogled na orangutana najbolja fotografija divljine za 2016. godinu Vrtoglavi pogled na orangutana najbolja fotografija divljine za 2016. godinu David Jojić 21.10.2016 21:04 4 Dijeljenje Fotografija "Vrtoglavi pogled na orangutana" američkog fotografa Tima Lamana je proglašena za najbolju fotografiju u 2016. godini u kategoriji "Fotografije iz divljine". Amerikanac Tim Laman je dobio prvu nagradu zahvaljujući svojoj fotografiji orangutana za koju mu nije bila potrebna skupocjena fotografska oprema, jer je umjetnik fotografiju napravio zahvaljujući Go Pro kameri. Ipak, Laman ističe da mu je trebalo čak tri dana penjanja i čekanja u divljini da bi dobio savršen kadar. "Teško je napraviti savršen kadar. Upravo ovakva umjetnička djela često osvajaju nagradu za najbolju fotografiju divljine. Ipak, Timova fotografija ima šta da kaže i to je bilo presudno za osvajanje prvog mjesta", istakao je Luis Blakvel, predsjednik žirija na ovogodišnjoj dodjeli nagrade za najbolju fotografiju divljine. Pored ove, pred žirijem su se posebno istakle fotografije koje na unikatan način prikazuju koliko je život u divljini ugrožen. Šokantna fotografija Pola Hiltona "The Pangolin Pit" je osvojila nagradu za najbolju fotografiju fotoreportera iz divljine. Jedan kadar ovog umjetnika je prikazao preko 4.000 smrznutih pangolina namijenjenih za ilegalni transport u Sumatru. Juniorska nagrada za najboljeg fotografa je otišla u ruke Gidionu Najtu iz Kenta, koji ima 16 godina. Za razliku od svojih konkurenata, Gidion je svoj savršeni kadar pronašao u Londonu. "Mladi fotograf je prikazao prizor vrane u londonskom Valentin parku, koji nije toliko nepoznat, ali posjeduje svježinu i prijatnu estetiku. Nisam siguran da li je mladi Gidion proučavao istoriju umjetnosti, ali njegov osjećaj za kompoziciju je fantastičan za nekoga ko je ovako mlad", istakao je predsjednik žirija Luis Blakvel. Nacionalni muzej istorije svake godine dodjeljuje nagrade u kategoriji "Fotografije iz divljine", koje obuhvataju dramatične fotografije leoparda, papagaja i drugih životinja iz divljine.

Više detalja na: http://www.nezavisne.com/kultura/vizuelna-umjetnost/Vrtoglavi-pogled-na-orangutana-najbolja-fotografija-divljine-za-2016-godinu/393669